Die verkleurmannetjie en die Smartieboks.

2007-09-10

Dit was so ’n week.   

Ek het gevoel soos daai verdwaasde gogga.  Ek het heel naweek met seer oë rondgeloop van al gerol om by te bly met die dinge om my. 

Die spektrum van Smarties in my verlede week : 

          ek is seker die titel van daai veelbesproke boek is verkeerd.  Ek kan sweer dit moes gelees het “Women are from Mars ….”  Jy weet mos – dis die oorlog planeet! Die “oorlogspad’ is die week tot stof toe getrap daar by my huis. 

          Kan die skole en universiteite dalk oorweeg om die volgende vak aan te bied : “Hoe om nie my pa se geld te mors nie”.  Ek sal dubbel klasgeld betaal …  en as hulle druip moet hulle ’n jaar lank die olifantmis in die Wildtuin gaan optel. 

          Hoe is dit dat die munispaliteit wat so gulsig elke maand my geld eis, nie in staat is om sy verpligtinge na te kom en die vullisblikke in ons dorpie leeg maak nie?  Daar lê ’n berg van swart sakke met gemors wat oral uitpeul reg voor die ingang na my werkplek! Komaan mense – doen iets of gee my geld terug! 

          Vier uit die vyf oggende wat ek werk toe ry sit ek twee ure lank vas in verkeer. Net omdat die wetters wat busse en vragmotors bedryf te blerrie inhalig is om die goed padwaardig te hou.  Nou breek hulle op die mees ongeleë tye op die onmoontllikste plekke. 

          Ek raak al vetter en onfikser.  Waar die wil weg is, is alles weg. 

          Lente was een dag lank en die somer is hier in volle mag – maar die water is nog te koud om te swem. 

          Die Bulle verloor. 

          Die Bokke wen. 

          Die moord en doodslag duur voort en die regering doen nog steeds die Pontius Pilates wikkeldans.

–   My waterwiel staan stil weens ….

Die week moet net better.

Advertisements

Blok myself!

2007-08-30

 “Een, twee, drie …..” tot by hoe ver die oudste neef ookal besluit het jy moet tel.   

“Hier kom ek!” Dit het altyd die groot gesoek afgegee.  Wanneer al die neefs en niggies op Oupa se werf wegkruipertjie gespeel het.  Jy het als probeer om jouself weg te steek.  Agter en bo in bome, tussen die yskas en die stoof, onder die karre, agter Pa se stoel.  Maar helaas, altyd het ’n uitsteek toon, ’n kroontjie hare of die onverwagte niesbui jou wegkruipplek verklap. 

”Blok vir Fielies daar agter die krimisrose!” 

Deesdae voel ek weer so.  Almal kruip weg in die digitale oerwoud van die internet.  En ek moet soek.  Dis vet pret om te kyk wie blok wie eeste … ek vir jou of jy vir my? 

”Blok vir Oopkop”.  ”Blok die Boer in Ballingskap”. Steve blok homself. Waar is daai blerrie Johan Swarts nou weer … ? 

“Blok, blok, blok ……” 

“Hier kom ek ….”


Hemel op aarde (en die mense ‘n welbehae…).

2007-08-29

Ek was gisteroggend twee ure lank tussen Pretoorsdorp en Jansberg vasgevang in my kar.  Ek moes.  Geen keuse gehad nie. Werk. 

Daar was baie stof tot oordenking in die tydjie van beproewing.  Ek is baie, baie dankbaar dat ek dit slegs per geleentheid moet doen … anders kan ek verseker weet ek gaan ‘n ere-plekkie in die hel hê – met my eie Lazyboy.  Ek het lanklaas so baie gevloek.  Taxidrywers, spietkops, windgatte, busse, motorfietse – niemand gee ‘n hel om vir die ander ou nie. 

Bevange sit en luister ek na die nuus oor  die pers radiostasie – “20 miljoen defektiewe kondome in omloop weens korrupsie, 10% van mans dink dis OK om hulle vrouens te slaan, mense vermoor vir ‘n selfoon en twintig rand …”. 

Liewe hemel, daar moet beter plekke wees!  Weg van hierdie choas –  hemel op aarde.  Iemand het gesê daar is sewe hemele.  So dan moet ek mos sewe hemele op aarde kry: Read the rest of this entry »


Ek soek na my Dina.

2007-08-27

Ek sien die manne wat weet sê die blog ding het begin tydens die Twin Towers aanval. Mense het glo ge-blog om kontak te hou met mekaar of om die vermistes op te spoor.  Ek wil kyk of dit vir my ook werk. 

Ek soek nou al lank na    Read the rest of this entry »


Dit was aand en dit was môre … en dit was Maandag.

2007-08-27

My vormingsjare was in die tyd van die Rooi Komplot, Totale Aanslag, paraatgeit, geestesweerbaarheid en drilpeletons.  So iemand behoort te verstaan dat ek tot vandag toe glo dis ’n kommunistiese plot dat tyd vinniger loop in die naweek as gedurende die week.   Read the rest of this entry »


Daar is altyd die eerste keer.

2007-08-24

Wow! Is ek nou duidelik impressed met al die slim mense wat in Afrikaans blok of nie! Soos die Leeuloop man se T-shirt sê “Awesomerowend”.  My mede nefies en niggies het duidelik nie meer tyd vir Volkspele en jukskei speel nie.  Of dalk doen hulle … net op ander onverstaanbare maniere. Read the rest of this entry »